Friday, May 4, 2012

شهریارین " دریا ائله دیم " شعری

  شهریارین " دریا ائله دیم " شعری
 تورکی بیر چشمه ایسه، من اوءنودریا ائله دیم.

بیر سوء یوق معرکه نی محشر- کبرا ائله دیم   

بیر ایشیلتی یدی ، سهااولدوزی تک گورسنمز،

گوزیاشیملا من اونو عقد – ثریا ائله دیم.

.....

باخ کی " حیدربابا" افسانه تک اولموش بیر قاف،

من کیچیک بیر داغی سر منزیل – عنقا ائله دیم

....

نه تک ایراندا منیم ولوله سالمیش قلمیم

باخ کی تورکیه ده ، قافقازدا نه غوغا ائله دیم.

باخ کی تهراندا دا فرزانه لر اولموش واله

باخ کی تبریزده نه شاعرلری شئیدا ائله دیم .

هم " سهندیه" سهندین داغین ائتدی باش اوجا

هم من اوز قارداشیمین حاقینی ایفا ائله دیم .

آجی دیللرده شیرین تورکی اولور دو حنظل،

من شیرین دیللره قاتدیم اونو، حلوا ائله دیم .

هرنه قالمیشدی کئچنلردن اونا بال پتکی

اریدیب موملوبالین شهد – مصفا ائله دیم .

تورکی ،واللاه آنالار اوخشایی لای-لای دیلی دیر

دردیمی من بو دوا ایله مداوا ائله دیم.

، سویوقدور بودییرمان هله ده ، شهریار، حئیف

دارتماغا یوخدودنی، من ده مدارا ائله دیم

.......................................